Во текот на изминатото деноноќие (20/21.06.2020 година) на територијата на Република Македонија на 213 лица им се издадени решенија за изолација, а 299 лица потпишале изјави за самоизолација.

Од страна на полициски службеници извршени се контроли кај лица во изолација и самоизолација, при што е утврдено дека четири лица не ја почитувале мерката за изолација и четири лица не ја почитувале мерката за самоизолација.

Исто така по однос на мерката за неносење лична заштита на лице регистрирани се 805  прекршоци!

А додека пак минатиот ден за мерката на неносење лична заштита на лице беа регистрирани 659 прекршоци, а на 366 лица им беа издадени решенија за изолација, додека 261 лице потпишало изјава за самоизолација, соопшти вчера Министерството за внатрешни работи.