Движењето Самоопределување и Демократскиот сојуз на Косово денеска постигнаа договор за формирање на косовската влада, пренесува „Косовска онлајн“, а во договорот ќе има 15 министерства.
Самоопределувањето, исто така, даде уверување на ДСК, писмено ветување за поддршка на нивниот кандидат за претседател на Косово, кога мандатот на Хашим Тачи му истекува следната година.
Владата, исто така, ќе има, како што е утврдено, 15 министерства, од кои шест ќе припаѓаат на Самоопределување, шест од ЛДК, две ќе дадат на Српскиот список, што е резултат на уставна обврска ако владата има повеќе од 12 министерства, додека едно министерско место ќе биде од малцинските партии.
Албин Курти својата политичка кариера ја започнал уште во деведесетите години на минатиот век, кога како студент организирал политички протести во Приштина. Тогаш тој бил официјален портпарол на албанските студенти во Косово, а зборувајќи за медиумите во тоа време тој нагласил дека нивните демонстрации „не се политички и немаат ништо со политичките партии“.
Заради своите студентски акции бил уапсен неколку пати, а првпат со затворот се соочил во 1997 година заради организирање на студентски протести на Универзитетот во Приштина.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.