Вчеравечер во емисијата „Што не е јасно“ на Алфа, Мери Николова Буџаку која е поранешна активистка на СДСМ и шарена револуционерка јавно кажа дека Заев и нудел пари, велејќи да оди во седиштето на СДСМ и да земе колку сака.

„Заев кажа, се што ви треба одете земете пари во партијата. Јас реков дека додека сум здрава и права никогаш нема од партијта да земам пари, ќе работам и тоа што ќе го сработам ќе знам дека е мое.“ вели Николова Буџаку.

Мери открива дека во времето кога била дел од Шарената револуција и активистка на владејачката партија, и било понудена функција директор на затвор, но не прифатила.

„Ние имавме средба, после 8 месеци, разговаравме и после две недели го смени својот став, во меѓувреме, јас му кажав: очекував дека ќе бидете човек и ќе ги повикате правите борци, не само оние кои што знаат да се додворуваат, а ние додека се боревме тие правеле листа кој на која функција треба да седне. Нашиот разговор беше само еднаш, после победата, сите наши договарања биле преку вибер.“ истакна Николова Буџаку