МЕРКЕЛ ВЕРНА НА ФАШИСТИЧКИТЕ ВРЕДНОСТИ СО СОФИЈА КОН МАКЕДОНСКИОТ НАРОД И ДРЖАВАТА МАКЕДОНИЈА!
Светскиот Македонски Конгрес (СМК) изразува жалење бидејќи Ангела Меркел останува верна на фашистичките вредности на Софија кон Македонскиот народ како суверена нација и Македонија како суверена држава!
СМК со огорченост ја отфрла изјавата на германскиот министер за надворешни работи Хајко Мас, дека “процесот на проширување на Европската унија ќе оди многу тешко ако Македонија и Бугарија не го решат билатералниот проблем… додека постои проблемот ќе биде многу тешко да се организира процесот за проширување и одржувањето на меѓувладината конференција… ЕУ не може да се меша во билатерални проблеми на земјите членки, но да се одржи меѓувладината конференција потребно е сите 27 земји членки да се согласат вклучувајќи ја и Бугарија… интересите на Бугарија мора да бидат почитувани…
Овие прашања мора да ги решат двете земји и тоа е предуслов да се одржи меѓувладината конференција.“
СМК потсетува дека Македонија беше жртва на притисокот на германската администрација за промена на името на државата во односите со Атина како услов за согласност на Атина за членство на Македонија во Европската Унија!
Неприфатливо е наци-фашистичкото барање на Бугарија за промена на името на Македонскиот народ, јазик, култура и историја да биде вредност за солидарност на Берлин, Брисел и Стразбур со Софија!
Ова антимакедонско однесување на Софија и Берлин, воопшто на Брисел и Стразбур, е во спротивност со Повелбата на Обединетите Нации, Универзалната декларација за човековите права, Европската конвенција за заштита на човековите права и основни слободи, Меѓународната конвенција за елиминација на сите форми на расна дискриминација, Конвенцијата за правата на децата, Финалниот хелсиншки документ, Документот на Копенхагенската средба на Конференцијата за човековата димензија на Конференцијата за безбедност и соработка во Европа и Париската Повелба за Нова Европа!
Македонците по род и државјанство, од сите делови на Македонија, во светот и татковината, го отфрлаат пристапувањето на државата Македонија во сојуз со Европската Унија и НАТО Алијансата, поради антимакедонизмот на Грција и Бугарија, грчкиот и бугарскиот геноцид врз Македонскиот народ, наци-фашистичкото барање на Грција за промена на името на државата Македонија и наци-фашистичкото барање на Бугарија за промена на името на Македонскиот народ, јазик, култура и историја, како вредност за солидарност на Брисел и Стразбур со Атина и Софија!
ЕУ и НАТО не се достојни за промена на името на државата Македонија и идентитетот на Македонскиот народ, Бугарија и Грција пак најмалку!
СМК потсетува, дека речиси 80% од вкупниот број запишани избирачи, Македонци по род и државјанство, на референдумот од 8 септември 1991 година гласаа “за суверена и самостојна држава Македонија“ без додавки и без придавки, одлуката на референдумот е задолжителна за сите!
На референдумот од 30 септември 2018 година, речиси две третини од вкупниот број запишани избирачи, Македонци по род и државјанство, НЕ гласаа и не се донесе одлука за членство во ЕУ и НАТО, НЕ гласаа за Договорот Димитров-Коѕиас од 17 јуни 2018 година за промена на името на државата и идентитетот на Македонскиот народ!
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.