Министерот за информатичко општество и администрација Дамјан Манчевски во вчерашното интервју на 1ТВ посочи дека вработените во администрацијата се вишок, и тоа не значи ако сега имаат одредено работно место, функција утре или за година, две нема да ги избркаат.

„Статус кво ситуацијата не може веќе да остане вака. Ние овие анализи ќе ги направиме. Ние сме социјалдемократска левичарска влада и викаме нема никого да отпуштиме. Значи никој нема да остане на улица. Но да остане вака како што е невозможно“, посочи Дамјан Манчевски во интервју за 1ТВ за анализата која се подготвува за префрлање на вработени од администрација во приватен сектор. 

Министерот за информатичко општество и администрација, Дамјан Манчевски, за кого  и се зборува дека може да биде жртва на операцијата Метла, сега најавува реформи во администрацијата со префрлање на вработени од јавен во приватен сектор најверојатно испраќајќи порака до Заев дека е подготвен да ја спроведе оваа реформа доколку остане на позицијата министер. 

Изјавата на Дамјан Манчевски од февруари годинава во која тој принава дека партиските членови на СДСМ се вработуваат во државни институции беше доволна причина метлата на Заев за овој министер да заигра и порано . Во земјли членки на ЕУ не може да се замисли првиот човек на државната администрација да оправдува партиски вработувања, наместо да го промовира мерит принципот каде најспоспобните и најобразованите ќе ги добиваат работните позиции.

Прашањето кое го поставува јавноста е дали под насловот реформа за отпимизрање на бројот на администрацијата всушност ќе се врши чистка на партиски неподобните кадри на власта ?

Неопходните реформи во администрација, што ги најавува Манчевски без никакви критериуми и законски основи остaваат простор за шпекулации во јавноста и можност за политички притисок врз државната администрација од страна на вториот и третиот ешалон на власта.