Меѓународниот Аеродром Скопје е рангиран меѓу најдобрите 10 аеродроми во Источна Европа за 2020 година од страна на реномираната организација Скајтракс, заедно со аеродромите во Будимпешта, Букурешт, Талин, Киев, Рига, Белград, Братислава, Тбилиси и Софија, стои во соопштението на ТАВ, Скопје!
Ова е трет пат како Skytrax го рангира Меѓународниот Аеродром Скопје во оваа категорија, по 2016 и 2015 година, кога прв пат го добивме ова признание, Велат во соопштението!
Меѓународниот Аеродром Скопје е еден од четирите аеродроми во групацијата ТАВ Аеродроми, чии услуги се признаени како најдобри од Скајтракс, во различни региони. Аеродромите во Тбилиси и Рига, се вбројуваат меѓу најдобрите во истиот регион – Источна Европа, додека аеродромот во Медина, исто така дел од групацијата ТАВ, е меѓу најдобрите во регионот – Блиски Исток.
Евалуацијата е направена меѓу септември 2019 година и февруари 2020 година, а Светските Аеродромски Награди на Скајтракс се базирани на мислењата на патниците од преку 100 националности и вклучуваат 550 аеродроми во светот.
Во светската аеродромска индустрија, тие се показател за квалитет на аеродромските услуги и објекти, стои во соопштението!
Најдобар аеродром во светот, осма година по ред, според Скајтракс, е Аеродромот Чанги во Сингапур.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.