Разрешената министерка за труд и социјална политика, Рашела Мизрахи на социјалните мрежи напиша дека ВМРО-ДПМНЕ ќе успее во намерата за Обнова на Македонија и дека Македонија ќе биде поврзана со светот врз принцип на меѓусебна почит и соработка.
Мизрахи вели дека ВМРО ДПМНЕ ќе стави крај на заевизмот како начин на владеење и дека ќе стават крај на понижувањата. Таа вели дека немањето правна сигурност и корупција е присутна во секоја сфера од општеството.
Од планот за живот не добивме живот.
Не обвинија само поради тоа што си ја сакаме Македонија. Секој ден сме бомбардирани со лажни вести и афери.
Ќе ставиме крај на заевизмот како начин на владеење. Ќе ставиме крај на понижувањата!ВМРО-ДПМНЕ ќе успее во намерата за Обнова на Македонија. Македонија каква што ја сакаме. Македонија поврзана со светот врз принцип на меѓусебна почит и соработка.
Немањето правна сигурност и корупција присутна во секоја сфера од општеството. За само неколку години ја вратија државата во црните денови од деведесеттите. Криминал и корупција, наспроти раст и развој. Доста е!
Да живее Македонија, вели Рашела Мизрахи.
Неодамна собранието ја разреши министерката за труд и социјална политика Рашела Мизрахи. По речиси шест часовна расправа во десетина минути пред 4 часот, пратениците со 62 гласа „за“ и 26 „против“ ја разрешија министерката.
Таа по предлог на ВМРО-ДПМНЕ, на 3 јануари годинава стана дел од техничката влада која треба да организира и да спроведе избори.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.