Во денешното гостување во „Топ тема“ пратеникот од ВМРО-ДПМНЕ, Антонио Милошоски се обрати до Артан Груби на кој му посочи дека пријателите од Еворпската Унија со своите забелешки практично кажаа дека законот за двојазичност е неприменлив.

Милошоски посочи дека не може да наметнува норми закон кој што се носи со просто мнозинство. Милошоски вели дека не може законот за двојазичност  да усогласува системски закони кои што се носат со двотретинско мнозинство.

Милошоски истака дека владеачката коалција го искористи европското знаменце со цел да ја ограничи дебатата за законот и воедно да се органзиираат јавни расправи со цел стручните лица и граѓаните да го кажат своето мислење.

Инаку Артан Груби во емисијата истакна дека ДУИ не знаеле дека пред Венецијанската комисија ќе биде испратен целиот Закон за употреба на јазиците. Груби рече дека очекувале да бидат испратени само делови од законот.

Во владата договорот беше за три точки, парите, хартиите од вредност и униформите, тоа е член 8 параграф 1 или 2 ако не се лажам, кој што се тргна од предлог законот кој што се усвои во влада и после дојде во Собрание. Не сме согласни целиот закон да се разгледува од Венецијанската комисија затоа што законот всушност одредува материја од Охридскиот рамковен договор и го заокружува нормативниот дел. И затоа што се виде дека целото општество доби од усвојувањето на законот, рече Груби.