„Но, новото обвинителство не би смеело да стане засолниште за обвинители рекетари, ниту за нивните соработници. А по однос на госпоѓата Рускоска, самиот мега скандал ‘Рекет‘ покажува дека наместо како обвинител, таа засега повеќе постапува како адвокат на главните рекетари од СЈО и Владата, на кои им овозможува екстра време за форматирање на телефони, прикривање на докази и влијание врз сведоци“, изјави Милошоски за МКД.мк.

Шекеринска денеска на прес-конференција, одговарајќи на новинарски прашања ѝ порача на опозицијата дека „секој кој сака да помогне во барањето одговорност за кршење на законот, тоа треба да го покаже на најлесен и највидлив начин со поддршка на законот за јавно обвинителство”.

„Новото обвинителство ќе се занимава со поранешни, но и со актуелни нови случаи. Покажавме дека со ова не правиме компромис. Очекуваме, бараме и повикуваме опозицијата која секој ден по пет пати спомнува правна држава и бара одговорност да покаже дека и таа ја носи одговорноста со поддршка на законот”, рече Шекеринска.