Антонио Милошоски, поранешниот министер за надворешни работи и пратеник на ВМРО-ДПМНЕ, пред извесно време ја извести јавноста дека е на болничко лекување од Ковид-19, новчера тој сподели убави вести, дека по 21 ден успеал да се избори и повторно е дома со семејството.

Милошоски се заблагодари на тимот лекари кои се грижеле за него.

После 4 дена самоизолација и 21 ден болничко лекување од Ковид19, повторно дома.
Негативен по тест, но расположен по дух и опкружен со најблиските, чии прегратки со љубов се задолжителна терапија за закрепнување. Уште едно сериозно животно премрежје е надминато.
Срдечно им благодарам на лекарите од Инфективната клиника-Скопје, како и на сите медицински сестри, кои иако се многу преморени, деноноќно се борат за секој пациент.
Чувајте се. Ве поздравувам со желби за добро здравје, напиша тој на својот официјален Фејсбук профил.

Милошоски на 30 јуни, соопшти дека неколку дена има покачена телесна температура, и дека по контакт со својата мајка Светлана која работи како медицинска сестра во болницата во Кичево, која беше заболена од Ковид-19 најверојатно и тој е заразен.

Милошоски доби мерка самоизолација од надлежниот епидемиолог од Битола кој според здравствениот протокол му пропиша мерка самоизолација до 6ти јули.