По отварањето на пицеријата кај Чинарот во Охрид не остана рамнодушен па искоментира Владимир Милчин.

-Оваа фотографија е прст во окото на сите кои се бореа и се борат за право и правда. Наакана и дрска порака: МИ СЕ МОЖЕ, БРЕ! Носете се вие заедно со УНЕСКО! Партискиот пазар гази без оглед на здравиот разум и триумфира во срцето на Охрид, карши Чинарот. Ако може да се лаже УНЕСКО, може и да се газат критичките гласови и здравиот разум, коментира тој.

Сопственик на локалот „Луна“ е Нефи Усеини, советник од ДУИ, а објектот е изграден на државно земјиште и во заштитен појас на УНЕСКО.

Откако е почната неговата изградба во март годинава, никој воопшто не се ни обидел да ја спречи дивоградбата. Усеини уште кога почна да го гради објектот доби решение од Општина Охрид дека има десет дена рок самиот да ги урне конструкцијата и платформата.

За потсетување, УНЕСКО му даде рок на Охрид до февруари да ги сруши дивоградбите.

Станува збор за 1.076 дивоградби, од кои 409 се лоцирани во заштитен појас, односно на крајбрежјето на Охридското езеро, во потегот на Националниот парк „Галичица“ и во стариот дел на градот.

Оваа одлука ја донесе Комитетот на УНЕСКО во Азербејџан, Баку, но останува на својот став дека до февруари охридските власти мора да прогласат мораториум на сите спорни дивоградби – во спротивно градот ќе се најде на листата на загрозени подрачја.