Следниот месец нова кризна состојба на пазарот со струја – најави министерот за економија Крешник Бектеши. 

Ова се прави се со цел ЕСМ да може со 100те милиони евра од ЕБОР да набавува мазут и јаглен. Државата прави напори да ги стави во функција сите домашни енергетски капацитети. Третиот блок на РЕК Битола, но и централите Осломеј и Неготино. Ако се оди според предвиденото, и доколку нема забрана за увоз на струја како што еднаш тоа го направи Бугарија – Бектеши не очекува да имаме рестрикции со струјата зимава која се најавува како најтешка досега.

„Ние планираме да ја ставиме во функција Комисијата и согласно закон и да прогласиме кризна состојба. Таа комисија согласно закон и правилник, предвидува различни мерки, вклучително и рестрикции. Било тоа меки мерки или други мерки.“ изјави Крешинк Бектеши, министер за економија.

Државата бара и алтернативи за рускиот гас. Бектеши е дециден дека земјава нема да го плаќа во рубљи, ако така одлучат и другите Европски држави. Доколку Русија ги затвори вентилите и за нас, преку писмо ќе се бара Газпром да ослободи дел од цефките за да може да се набавува од други земји.

Во игра е и опцијата – топланите наместо на гас, да работат на мазут за кој Бектеши тврди дека го имаме во доволни количини.