Министерството за култура го прогласи Куманово за град на културата за 2019 година. Освен тоа Куманово оваа година беше прогласен и за Европски град на спортот.
Градоначалникот Максим Димитриевски на вчерашната прес конференција рече дека општината ќе побара дополнителни финансиски средства, за големиот јубилеј да се одржи на најсоодветен начин.
Тој во своето обраќање најави дека петвековното постоење на градот оваа година ќе биде обележано со дополнителни 26 манифестации кои се надвор од редовната програма, а меѓу нив неколку балетски претстави, концерти, документарни филмови, тетаарската претсава „Ленче Кумановче„ и многу други.
На листата проекти е и преработката на песната „Куманово во срцето“ која ќе ја препеат повеќе локални музички имиња, додека групата „Некст тајм“ ќе ја преработи песната „Јовка Кумановка“.
– Воедно сме известени дека на нашата апликација со која аплициравме со различни настани и манифестации за тековната 2019 година со вкупен износ од 15 милиони денари на годишно ниво, ни се одобрени средства од вкупно три милиони денари кои што ќе бидат поддршка за сите овие настани и манифестации.
Воедно ве информирам дека Општина Куманово за оваа тековна година во рамки на редовната програма за културни настани и манифестации обезбеди буџетски средства од вкупно 10 милиони денари и дополнителни три милиони денари кои ги добивме од ресорното министерство, рече Димитриевски.
– Општина Куманово во соработка со сите институции на локално ниво кои што се во сегментот на културата и спортот, во заедничка соработка во следниот период ќе го одбележани најдостоинствено јубилејот пет века Куманово со различни активности, тргнувајќи од различни културни настани, од делот на театарот, музика, концерти и сите останати спортски манифестации кои се вообичаени за нашиот град, рече Димитриевски.
Според патеписецот Жан, во Куманово до средината на XIX век имало „20 христијански и уште толку турски куќи“. Градот постепено почнал да расте по 1865 година (тогаш имал 3 000 жители, односно 650 куќи од кои 350 биле македонски, 300 турски и 30 ромски колиби).
Како нормален одраз на тоа станува атрактивно имиграциско место за околното население и бележи поизразен популациски раст. Истовремено Куманово и стопански расне и денес претставува град со развиени дејности од секундарниот и терцијарниот сектор.
Водечко место има индустријата (металопреработувачка, текстилна, чевларско-кожарска, прехранбена, тутунска) потоа земјоделието и трговијата.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.