Во прес центарот на ВМРО ДПМНЕ се обрати Гордана Силјановска која го призна поразот но рече дека сепак не се чувствува како губитник. 

Верував дека ако им се обраќам на граѓаните, ако им понудам визија на граѓаните дека ќе може да помогнам во градењето на демократија која ја нема и добив невидено разбирање, енергија, дијалог кој ми говореше дека она што го кажувам допира до нив и нивните срца. Тоа ме подмлади и сум благодарна за оваа ретка прилика. Денешниот ден ми личеше на Вивалди, на 4те годишни времиња, мислев дека утрото почнува до дожд. Претпоставувам дека заврши како пролет за победниците, но за мене не е зимата. Да добиете речиси 370 000 гласови е голема благодарност.“ – изјави претседателскиот кандидат Гордана Силјановска Давкова на вечерашната прес конференција.

Таа потенцираше дека не влегла наивно во трката за претседател, туку дека политиката има логика кога се сака да се внесе нешто ново.

„Се обидов да го направм тоа, но политиката во Македонија се уште не е уметност. Политиката во Македонија е во рацете на партиите, тие одлучуваат најмногу и пред се за тоа кај кого ќе отидат гласовите, а не самите граѓани.“ – изјави Силјановска Давкова.