Познатиот македонски актер Тони Михајловски реши малку да се пошегува па на својот профил на Фејсбук сподели видео од Макрон околу почнувањето преговори за ЕУ.

Имено тој со видеото се надоврзува со бариерата која ја постави Франција, односно претседателот Макрон за датум за отпочнување преговори за Македонија и Франција.

– Како на детето кога ќе му кажат дека нема да оди на одмор, туку на село кај маќеата на татко му, напиша актерот во описот на видеото кое го сподели на Фејсбук.

За потсетување, Макрон смета дека Северна Македонија и Албанија треба уште малку да се стрпат пред да добијат одобрение за почеток на преговори со ЕУ.

Инаку денеска и социјалната мрежа Твитер гореше по  повод очекувањето дали ЕУ ќе ни даде да почнеме со пристапните преговори, откако на социјалните мрежи се огласи и Миле Паника.

– Неќеле ваква багра како нас во ЕУ. Нека им каже некој дека ако ни дадат датум има шанси да си останеме овдека, ако не ни дадат, сите ќе им се иселиме таму, па нека му ја мислат, напиша тој во свој стил.

За потсетување, во Брисел попладнево започнува дводневниот самит на лидерите на Европската Унија, на кој една од точките на разговори ќе биде одлуката за почеток на преговори за Северна Македонија и Албанија.

Засега не е јасно дали проширувањето ќе биде на дневен ред денеска или утре, претседателот на Европскиот Совет треба да ја прецизира агендата на разговори утрово.