Апелираме за итна и брза мобилизација на институциите во справување со катастрофалниот пожар во Тетово, напиша на Фејсбук лидерот на опозицијата, Христијан Мицкоски по големиот пожар во модуларната болница во Тетово.

-ВМРО-ДПМНЕ уште вечерва се става на располагање да помогне во надминување на состојбата. Изразуваме надеж дека нема човечки жртви.

Нашите мисли се со семејствата и луѓето кои вечерва се таму и се соочуваат со оваа тешка катастрофа, напиша Мицкоски.

Најмалку десет лица загинаа во пожарот што ја зафати модуларната ковид болницата во центарот на Тетово.

Филипче ги повика медиумите да не шпекулираат за бројот на жртвите и додаде дека официјалните податоци ќе бидат објавени што е можно поскоро.

За денес во десет часот е закажана итна владина седница.