Лидерот на ВМРО-ДПМНЕ, Христијан Мицкоски во Топ Тема на Телма Телевизија, рече дека единственото обвинение покренато после 30 јуни 2017 година, е покренато исклучиво против ВМРО-ДПМНЕ, а тоа е предметот Талир.
Во вечерашната емисија на Телма, лидерот на ВМРО ДПМНЕ, потенцираше дека целта на тоа обвинение после законскиот рок на СЈО, е тоа што не можат на поинаков начин да го победат ВМРО-ДПМНЕ, и затоа го форсираат тој предмет за најпрвин да му извршат забрана за политичко дејствување, а потоа и да го забранат ВМРО-ДПМНЕ.
Тоа што тужителите од СДСМ и главниот јавен тужител од СДСМ не успеале во рамките на законскиот рок да докажат и да донесат пресуди тоа е нивен неуспех и минус, а притоа потрошиле милиони народни пари и сега бараат продолжување на тој рок за повторно да ги уживаат тие привилегии, изјави Мицкоски.
Христијан Мицкоски рече дека за ВМРО-ДПМНЕ е многу важно интегрирањето на Македонија, во Европската Унија и изјави дека никако граѓаните на Република Македонија не треба да бидат казнети поради политиките на СДСМ и Заев.
За нас е важно и покрај сите неуспеси на оваа влада, покрај сите недостатоци кои што се резултат на нивното функционирање изминатите две години да не бидат казнети граѓаните, да Република Македонија добие датум за почеток на преговорите за влез во Европската Унија.
Јас самиот ќе поднесам иницијатива до органите на партијата за ВМРО-ДПМНЕ да работи со владата се со цел да се надминат нивните недостатоци и Република Македонија да добие датум за почеток на преговорите за влез во Европската Унија барем до октомври, соопшти Мицкоски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.