Италијанскиот миленик на публиката, Ерос Рамацоти викендов буквално го запали Скопје со својот концерт во „А1 Арена“ .
Имено италијанскиот пејач својата светска турнеја ја започна во февруари оваа година, а викендов одржа и спектакуларен концерт во Скопје со што го оправда и епитетот италијански заводник и миленик .
Секако арената беше преполна од обожаватели а меѓу нив имаше и многу познати јавни личности од светот на шоубизнисот, така и од областа на јавниот, културниот и политичкиот живот во Македонија.
Меѓу нив беше и претседателот на опозициската партија ВМРО – ДПМНЕ, Христијан Мицкоски во придружба на својата сопруга Рози . Тие заедно ги пееа песните на италијанскиот заводник и покажаа дека светските културно-музички вредности им познати и блиски.
Двојката уживаше во познатите хитови на еден од најдобрите вокали, а од таму си заминаа со позитивна енергија, воодушевени од атмосферата и она што како музичко-сценски перформанс го понуди италијанската музичка ѕвезда.
На концертот во Скопје Ерос Rамацоти го промовираше и најновиот студиски албум со наслов „Vita ce n’e“.
Инаку Ерос Рамацоти е роден на 28 октомври 1963 во Рим, и е еден од најпознатите италијански музичари, пејачи и текстописци. Рамацоти е многу популарен во Италија земјите кои спаѓаат во шпанското говорно подрачје, поради фактот што тој ги издал повеќето негови албуми на италијански и шпански јазик.
Извор:Курир.мк
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.