Претседателот на ВМРО – ДПМНЕ, Христијан Мицкоски, објави дека во македонското Собрание е поднесена интерпелација за гласање на недоверба за министерот за надворешни работи Никола Димитров.

Од партијата потврдија дека причина за ваквиот потег е затоа што шефот на македонската дипломатија „ги навредил Македонците нарекувајќи ги нација со комплекс“ кога Димитров од собраниската говорница објаснуваше дека уставните измени не треба да се доживуваат со доза на страв кај јавноста.

Никола Димитров со Заев донесоа капитулантски договор!Понижување и разградување на Македонските национални и државни интереси!

Димитров кажа дека Македонците биле нација со комплекс! Нема датум за преговори со ЕУ. Македонската дипломатија исто како и државата е прикована на дното.

Поднесовме интерпелација за најнеуспешниот министер за надворешни работи.

За да престане срамот, за да македонскиот углед не продолжи да се урива.

Во собраниската дебата за време на интерпелацијата ќе се збори за фактите кои ќе го разобличат неговото делување.

Затоа оставка поради црнилата кои и ги донесе на Македонија! – напиша Мицкоски.