Во вечерашното гостување во емисијата Топ тема, лидерот на ВМРО ДПМНЕ Христијан Мицкоски, рече дека не е можно да се носат закони во кои нема да учествува опозицијата, алудирајќи дека законот за попис воопшто не наликува на она што реално треба да се биде туку претставува една политичка трговија преку која Заев ќе мора да си ги исплати долговите.
Најпрво да биде јасно дека ВМРО-ДПМНЕ не е против пописот и ВМРО-ДПМНЕ не е проти вистинска реална статистичка операција која практично ќе ја детерминира како ќе се развива Република Македонија во следните отприлика 10тина години, рече лидерот на ВМРО-ДПМНЕ, Христијан Мицкоски во вечерашната емисија Топ тема, на Телма.
Ова што сега на брз трака се става во рамките на собранието без учество на опозицијата, без учество на главната политичка партија на политичката сцена во Република Македонија што се покажа и на последните претседателски избори навистина е спротивно на сето она што денеска го слушаме како стихозбирка од неколку строфи од страна ан владините јуришници, без разлика дали станува збор на ДУИ и СДСМ, Европа или европски вредности.
Ова ни најмалку не наликува на тоа, туку напротив ова наликува на повторно на една политичка трговија, налик на оние трговии на зелените пазари што се среќаваат во Република Македонија и претпоставувам дека продолжува Зоран Заев да ги отплаќа долговите практично на она што него го опозиционираше таму каде што е веќе еве трета година по ред во Република Македонија, додаде Мицкоски.
Во однос на најавите за можни промени на изборниот законик, лидерот на ВМРО ДПМНЕ, Христијан Мицкоски негираше дека промените на изборниот законик кои власта ги доставила до ВМРО-ДПМНЕ, имало детали за промени на бројот на изборни единици, туку се однесувале единствено на статусот на државната изборна комисија.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.