Огромна победа е во најава, луѓето се обединуваат околу обновата, луѓето се решени, луѓето се одлучени да излезат и да заокружат 14! Луѓето се одлучени затоа што нашиот македонски народ се обединувал секогаш кога било најтешко во историјата, порача од Кратово, лидерот на ВМРО-ДПМНЕ, Христијан Мицкоски!

Сликата сегде е тажна, мачна, луѓето не се задоволни од секојдневието, не се задоволни од оваа политичка пандемија наречена СДСМ и Заев која трае веќе три години.

Но, народот се исправа и сака промени, сака обнова. На 15 јули доаѓа обновата во Македонија, потенцираше Мицкоски!

Ние како ВМРО-ДПМНЕ изминатите 19 дена, така и денеска, зборувавме за нашата понуда, зборувавме за нашиот проект „Обнова“ кој е испишан на 360 страни, зборувавме како до повисоки плати, повисоки пензии, како до 4 милијарди евра за странски и домашни инвестиции, како до 640 милиони евра субвенции за земјоделците и нов иновативен пристап во земјоделието, како до реформи во здравството, правосудството што е есенција, изјави Мицкоски!