-Сите најдобри закони да ги препишеме и да ги имплементираме во Македонија ќе ги поддржиме. Сето тоа на хартија убаво изгледа, но поентата е како тоа во пракса да се применува јас токму тоа се обидувам да објаснам затоа луѓето се чувствуваат разочарани и обесправени. Јас ви давам збор дека ВМРО-ДПМНЕ сите најдобри судски пракси од ЕУ ќе ги поддржи, тоа не е суштината. Суштината е како тоа се применува, додаде Мицкоски.

Според него, ВМРО-ДПМНЕ стои на страна затоа што биле одбиени, како за преговорите за Преспанскиот договор, така и сега за спорот со Бугарија.

„Секогаш сме биле со иницијатива за да учествуваме во преговорите. Еве ќе видите, ние како партија ќе бидеме заобиколени од телата за Законот за попис“, смета Мицкоски.

-Ако цената се определува од први јули, а сега се најавува од август јасно сега се поставува прашањето зошто е тоа така. Одговорот е многу едноставен, затоа што имаше избори и на сите им беше јасно дека цената на електричната енергија за граѓаните кои ја добиваат од универзалниот снабдувач ќе биде поголема. А зошто на сите им беше јасно, затоа што е нереално голем процентот кој го има универзалниот снабдувач објасни Мицкоски.