На денешните предвремени парламентарни избори, победи лидерот на Нова демократија кој освои доволен број на гласови и 158 пратеници за да формира еднопартиска влада.

Новоизбраниот премиер Кирјакос Мицотакис утре ќе положи свечена заклетва со што и официјално ќе стане премиер на Грција.

Според извори од СИРИЗА Ципрас кој е веќе премиер во заминување веднаш му ја честитал победата на Мицотакис и тоа телефонски, а за утре најави средба со него во премиерската палата каде ќе му ја предаде функцијата.

Како што јави дописничката на МИА од Атина, во прес центарот во салата за конференции Запио, вечерва се очекува да дојде премиерот во заминување Алексис Ципрас и да одржи прес конференција.

Вака изгледаа резултатите од гласањето на предвремените парламентарни избори во Грција:

Нова демократија 39,72% – 158 пратенички места
СИРИЗА 31,59% – 86 пратенички места
Движење на промена 7,90% – 22 пратенички места
Комунистичка партија на Грција 5,37% – 15 пратенички места
Грчко решение 3,74 % – 10 пратенички места
МЕРА25 3,49% – 9 пратенички места
Златна зора 2,96% – 0 пратенички места