Македонскиот Национален Совет кој беше формиран неодамна, повторно со соопштение до меиумите. Овој пат тие јавуваат за нов член на советот кој ќе ја преземе улогата на координатор за активностите на МНС за Белгија. Во продолжение и соопштението:

Почитувани, ни причинува посебно задоволство да ве информираме дека Македонскиот Национален Совет ги проширува своите активности и во престолнината на Европската Унија одностно во Белгија.

Владимир Димевски се приклучи кон МНС како член на одборот за реализација и ќе ја преземе улогата на координатор за активностите на МНС за Белгија. Владимир Димевски роден во Скопје и има 29 години. Тој на 10 годишна возраст се преселува во Белгија со неговите родители и неговиот постар брат.

Се школувал во Белгија каде дипломирал за специјален медицински неговател. Неговата струка му причинува огромна чест и со задоволство ја извршува задачата да им помага на најранливата категорија на луѓе, луѓе кои боледуваат од тешка деменција.
Во кратка иднина има желба да ги продолжи студиите за медицинско лице и да го надогради неговото знаење и да ја зацврсти уште повеќе желбата за хуманост.

Покрај фудбалот, и политиката му е хоби уште од рани години, а посебно се интересира за политичките случувања во Македонија.
Во слободното време активно трењира и се бави со спорт и фитнес.

Неговииот слоган е желбата за борба, еве што порачува Владимир:
<<Секогаш сум целосно подготвен да се ставам во функција во одбрана на националените интереси на нашата татковина, Република Македонија. Денешната борба за македонската кауза ја гледам во нејзиниот развој, подигање на квалитетот на животот во Македонија притоа без да и се загрозат нејзините стратешки цели. Затоа со голема доза на ентузијазам и се приклучувам на организацијата Македонски Национален Совет (МНС) сметајќи дека организацијата има капацитет да и биде симбол на македонски непокор.>>