Пред само неколку дена на социјалната мрежа Фејсбук, едно момче од Хонгконг потпишан како Harry Ng, преку објава во групата „Expats and Foreigners in Macedonia“, бараше помош од македонските граѓани да ја пронајде девојката со која се фотографирал додека престојувал во Охрид.
За многу кратко време тој успеа да ја најде девојката, благодарение на многубројните коментари, и добрите луѓе кои му помогнале. Имено момчето се огласи повторно со новост дека ја пронашол девојката но, се уште на ја контактирал.
Во пораката која ја испрати тој преку својот Фејсбук профил, им се заблагодарува на сите кои му помогнале во потрагата и го контактирале. Хари воедно и ги охрабрува сите со слична приказна да се обидат, бидејќи никогаш не се знае што добро тоа може да им донесе.
Инаку, според неговата прва објава, тој се запознал со девојката за време на неговата посета на Охрид на 7 октомври која му оставила силен впечаток и за што вели дека го направила Охрид незаборавен.
Додека шетал заедно со групата, му пришла непознатата девојка и побарала да се фотографира со него.
Ова е првата објава на Хари…
Здраво на сите, јас сум од Хонгконг. Го посетив Охрид на 7 октомври. Црквите, езерото, времето, тој е прекрасен град. Но, една мала случка го направи мојот впечаток за Охрид уште понезаборавен.
Еве што се случи.
Околу 11:30 часот, одев кон местото за ручек со други учесници од турата. Одеднаш, една девојка ми побара да се сликаме. Најпрво се шокирав, но реков ок и ова е фотографијата.
Бидејќи бев далеку зад групата, само и кажав чао, и ти благодарам. Не ја прашав за контакт информации.
Ако ја познавате девојката на оваа фотографија, можете ли да ми помогнете да се поврзам со неа?
Ако не ја познавате, но сметате дека ова е интересно, ќе ценам ако можете да ми помогнете што повеќе да се рашири оваа објава!
Фала за читањето! Ако се случи чудо, ќе ве известам сите!
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.