Инаку само во текот на вчерашниот ден на клиниката биле донесени тројца пациенти со симптоми на морбили, од кои двајца се пуштени на домашно лекување а една 29 годишна пациентка е хоспитализирана на Клиниката за инфективни болести.

Податоците објавени од Институтот за јавно здравје покажуваат дека во периодот од 2 март до 8 март 2019 година пријавени се дури 83 сомнителни случаи на мали сипаници, додека пак од почетокот на епидемијата во главниот град се регистрирани 493 случаи на мали сипаници.

Вкупниот број на вакцинирани лица во Скопје од почетокот на епидемијата на морбили е речиси 10 илјади лица, додека пак вкупниот број на вакцинирани лица на возраст до 14 години со МРП-вакцина од почетокот на епидемијата во државата изнесува 15.151 лице. 

Во однос на грипот кој владее во државава, засега бележи пад на заболени лица. Во текот на минатата недела се пријавени 2.678 случаи со симптоми на грип, што е 16,5 отсто намалување во споредба со една недела пред тоа, додека пак вкупниот број на заболени од грип оваа сезона изнесува 15.201 лица.