Говорот на германската канцеларка Ангела Меркел во кое објаснува како се шири коронавирусот и колку е опасно олеснувањето на рестриктивните мерки за кратко време доживеа „бум” во целиот свет.

Откако нејзиниот говор беше преведен на англиски јазик, армија од луѓе излезе на социјалните мрежи и изрази љубомора, но имаше и такви што ја фалеа германската шефица.

Меркел има диплома и докторат за квантна хемија, што несомнено ја прави една од најквалификуваните лидери во една држава за време на оваа пандемија.

Германија, иако е сериозно погодена од вирусот, успеа да започне со израмнување на кризата и има далеку пониска стапка на смртност од другите земји.

Во видеото кое брзо започна да се шири на социјалните мрежи, Меркел објасни зошто укинувањето на мерките бара претпазливост и го опиша експоненцијалниот пораст на бројот на пациенти.

Таа исто така објасни колку може заразеното лице да зарази други и дека прави голема разлика во тоа како ќе работи здравствениот систем.