До Општинските изборни комисии досега пристигнале над 130 приговори, информираат од ДИК.

Притоа, половина од нив се прифатени, а останатите се одбиени поради неисполнување на условите или пак се уште се во процес на обработка.

Инаку, на повеќе од 10 гласачки места имаше прекин поради проблеми со фингерпринт-апаратите.

Меѓу нив се избирачки места во Дебарца, Демир Хисар, Старо Нагоричане, Липково, Македонски Брод, Пехчево, Радовиш, Росоман, Сопиште.

„На електронската адреса izbori@jorm.mk пристигна поднесок испратен од политичка партија, во врска со сомнение за вршење на притисок и агитација од страна на лице во избирачки места во Гостивар. Основното јавно обвинителство Гостивар оформи предмет по допрен глас и веднаш издаде насоки за проверка на наводите од пријавата“, велат од Обвинителството.