Директорот на Институтот за трасфузиона медицина доктор Садула Усеини за ,,Слободен печат” открива дека во соработка со ИВЗ во Скопје ќе бидат организирани крводарителски акции во џамиите, а ќе се реализира и стратегијата за мобилизирање на младите крводарители, од средните училишта и од универзитетите. Вкупно досега се собрани 112 единици крвна плазма од пациенти што прележале ковид-19, а стотина веќе ја примиле во надеж дека ќе им го спаси животот.

Над 28 илјади дарувања на крв се реализирани од почетокот на оваа година. Досега се обезбедени 112 единици конвалесцентна плазма, а околу 100 пациенти веќе примиле плазма, вели министерот Филипче!

Во план е и средношколците да даруваат крв, како и студентската популација која ќе биде мобилизирана.

Коронавирусот ја покажа хуманоста на граѓаните! Постојано се обезбедуваа крвни единици за ниеден живот да не биде загрозен.

Горд сум на целиот тим од Институтот за трансфузиона медицина, за нивната професионалност затоа што кај нас не се случи да има недостаток на крвни единици. Имаме вредни здравствени работници. Да се гордееме со нив, потенцира Филипче!