Од јули оваа година, цените на роаминг услугите се намалуваат за 27 отсто, а се очекува од јули 2021 година целосо да биде укинато наплатувањето на роаминг услугите помеѓу Македонија, Србија, Црна Гора, Албанија, Косово и БиХ.
Ваквата одлука е донесена со потпишувањето на договорот што ресорните министри го потпишаа на Вториот дигитален самит за Западен Балкан кој воедно беше предуслов за почнување на постапката за укинување на роамингот кон Европската унија.
Од идната недела регулаторно тело ќе ја разгледува можноста за намалување најпрво на интернет услугите, а потоа и на разговорите, и постепено ќе бидат намалувани цените за овие услуги се до 2021 година кога целосно ќе биде укинато плаќањето.
– Откако целосно ќе се укине роамингот меѓу земјите од Западен Балкан, тоа ќе се случи и со земјите од ЕУ, што значи дека регионот дигитално ќе се интегрира во Европа многу побргу отколку политички, изјави по потпишувањето на договорот министерот за информатичко општетсво и администрација Дамјан Манчевски.
Марија Габриел, еврокомесарката за дигитална економија и општество вели дека потпишувањето на овој договор за бесплатен роаминг во Западен Балкан е значаeн поттик за регионалната соработка.
– Цените на роамингот постепено ќе се намалуваат и од 2021 година ќе станат како домашните. Потпишувањето на Договпрот ја покажува силната политичка волја во насока на регионалната дигитализација, рече Габриел.
Со потпишување на регионалниот договор за роамингот, владите во регионот испратија јасна порака на посветеност на европските вредности и подготвеност да ги воведат на патот на интеграција во Европската Унија.
Македонците од 1 јули 2017 година по стапување на сила третото намалување на цените на роаминг услугите согласно со Договорот меѓу четирите држави од 2014 година, зборуваат поевтино кога патуваат во Србија, Босна и Херцеговина и Црна Гора.
Минута разговор дојдовен повик сега чини 11,6 денари, а пред три години изнесуваше 67,9 денари, за СМС порака сега се плаќа 3,7 денари, за разлика од старата цена од 12,3 проценти. Се очекува и намалување на цените на роамингот и со Грција, кој би требало да се реализира од летната сезона.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.