НАСА најавува дека наскоро  ќе открие докази за живот на Марс, но човештвото сѐ уште не е подготвено да го прифати тоа, смета д-р Џим Грин, научник од американската вселенска агенција.

Во март 2021 е предвидено на Црвената Планета да бидат испратени два ровера – еден на НАСА и еден на Европската вселенска агенција ЕСА. Една од главните задачи на тие две мисии е потрага по живи организми на површината на планетата.

– Тоа ќе предизвика целосно нов начин на размислување. Мислам дека не сме подготвени да ги прифатиме резултатите од сѐ тоа. И, тоа ме загрижува, зашто сметам дека сме многу блиску до објавувањето дека на Марс има живот, изјави д-р Грин.

А, тоа пак, според него, ќе отвори многу други прашања… Дали тој живот во нешто наликува на нашиот? Дали сме поврзани со тие организми? Има ли услови за човечки колонии вон Земјата?
– Нема зошто да се сомневаме дека нема други цивилизации низ Вселената, зашто постојано откриваме егзопланети погодни за појава на живот. Насекаде!, додава научникот.

За потсетување, пред неколку месеци НАСА на Црвената Планета откри метан, по ова откритие роверот ќе трага по докази за живот.

Ова откритие укажува дека можно е да има живот под површината на Црвената Планета.

Роверот на НАСА Curiosity го откри ова додека вршеше мерења на воздухот во месец јуни.

Ваквото сознание ги менува нештата и сега научниците ќе го сменат начинот на кој работи роверот за да се фокусира на ова подрачје.

Научницит се многу возбудени поради ова и се надеваат дека ќе најдат микроби за кои се смета дека се „преселиле“ под површината во периодот кога се смета дека Марс бил потопол, повлажен и имал подобри услови за живот пред 4 милијарди години.