Двајцата штипјани, кои брутално тепаа 22-годипна девојка, а чинот на тепање го снимија и го објавија на социјалните мрежи, добија по две години и шест месеци затвор.

Судијката од Основниот суд во Штип, Јулијана Неткова денеска им ја изрече пресудата, откако двајцата признаа вина и се извинија за чинот кој го направија.

Адвокатката на жртвата, Билјана Андонова потврди дека девојката е во лоша состојба, а со неа работи тимот на невладината ЕХО.

Настанот се случил во јануари годинава, кога во влез на зграда, двајцата насилници брутално ја удираа младата, 22-годишна штипјанка.

Снимката се појави на социјалните мрежи на почетокот од месец април, по што тие беа веднаш уапсени.

На видеото кое беше објавено пред еден месец се гледаше како еден од насилниците држи во рака нешто што наликува на тест за бременост и ја шутира девојката, додека другиот ја снима целата случка.