Ќерката на Здравко Чолиќ наполни 18 години и го прослави својот роденден во друштво на пријателите и семејството.

Како што можеше да се види на Инстаграм, Уна роденденот го прослави со многу балони и цвеќиња, додека пријателите по пат на социјалните мрежи и испраќаа честитки и закачуваа нејзини фотографии.

Ова е ретко домашната јавност да има прилика да ѕирне во приватните случувања на познатат балканска ѕвезда, бидејќи Здравко Чолиќ покрај својата музика е познат и по тоа што приватниот живот го држи далеку од очите на јавноста.

За потсетување, Здравко Чолиќ е во брак со Александра од 2001 година, а веќе 19 години тие успеваат да ја сочуваат својата љубов од јавноста. Покрај, Уна Чола ја има и помалата ќерка Лара.

Здравко Чолиќ важи за една од најголемите, а можеби и најголемата музичка легенда од времето на СФРЈ. Со неговите хитови „Пусти, пусти моду“ , „Писаќу јој писма дуга“ , „Мало појачај радио“ и други, ги натера неговите обожаватели да се внесат во тој свет на музиката на Чолиќ.

Со неговите концерти низ цела Југославија создаде вртоглавица кај неговите обожавателки. Денес Здравко Чолиќ, по паузата за време на војните во регионов, повторно ја потсетува неговата публика на старите хитови, а создава и нови. Настапува по цела година и насекаде: Србија, БиХ, Хрватска, Словенија, Македонија, Црна Гора, Австрија, Швајцарија, САД, Канада… Еден од неговите најголеми концерти беше во 2007 на стадионот Маракана во Белград каде собра неколку десетици илјади публика, а концертот го заврши со песната „Пјесмо моја“ и спектакуларен огномет над Белград.