Да бидеме искрени, нашата генерација и таа пред нас, главно се состои од конформисти и медиокритети кои дозволија со децении да бидат крадени, лажени, бркани од работа, бркани од родната земја, омаловажувани, тепани, потхранувани, унифицирани и систематски идиотизирани.
Бесмислено е ова да се повторува бидејќи на сите ни е кристално јасно дека е така, но толку отапевме што речиси без бунт изедовме се што ни ставија на чинијата со гнасотии.
Најмизерен е фактот дека розевото желе со кое се полеани гнасотиите одозгора, воопшто не го густираме и целосно свесни директно ја туркаме лажицата во срцето на мизеријата, јадејќи ја како да ни е последно. Можеби тука лежи одговорот од каде ни е оној фетиш кон масовно купување тоалетна хартија во услови на корона.
Ова тапо прифаќање на потчинетоста, со ретки исклучоци на индивидуален отпор ( за идеале гину бадале, нели хе хе), не само што ни ја скрши волјата нам, туку веројатно ќе ги уништи и нашите потомци. Сепак, за нив се уште има надеж и ако од некаде набават грам повеќе храброст и лудост од нас, тогаш нека се обидат барем тие да сторат нешто организирано и масовно. Инаку ќе одат со наведнати глави, а дали поради инерција или срам, на кого му е гајле.
Ако и тие го толерираат срамот, без дилеми, нивните деца ќе бидат следни.
And if you tolerate this then your children will be next
Will be next, will be next, will be next!
Драган Милосавлевиќ : Авторот е новинар во Алфа Телевизија
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.