Постојат сознаинија дека во моментов во српскиот парламент има најмалку пет пратеници кои работат за странски тајни служби, пишува српски курир. Тоа претставува опасност за државата , бидејќи можат да откријат доверливи државни информации.

Како што пишува српскиот портал, нивниот извор им пренесол дека српските пратеници ги користат странските безбедносни служби како би го оствариле својотл интерес и би влијаеле врз настаните во Србија.

Претседателот на собранискиот Одбор за контрола на службата за безбедност, Игор Бечиќ, вели дека е свесен дека српскиот парламент е еден од важните канали за влијание на странските служби.

Народно собрание на Србија е еднодомен парламент на Србија. Собранието е составено од 250 пропорционално избрани пратеници избрани со тајно гласање, со мандат од 4 години. Собранието избира претседател (спикер) кој претседава со седниците. Сегашниот претседател на собранието е Маја Гојковиќод 23 април 2014 година.

Народното собрание ја извршува законодавната власт, го усвојува и го изменува Уставот, ја избира Владата, ги именува и разрешува судиите на Уставниот суд, претседателот на Врховниот суд, гувернерот на Народната банка на Србија и другите државни службеници. Сите одлуки се донесуваат со мнозинство гласови на пратениците на седницата на која присуствуваат мнозинство пратеници, освен за измена на Уставот, кога е потребно двотретинско мнозинство. Собранието се свикува во Домот на националното собрание во Белград.