На бензинската пумпа Макпетрол, лоцирана спроти Соборен храм вчера беше избегната вистинската катастрофа.
Вчера попладне, на бензинската избувнал пожар, по што се вклучиле алармите на бензинската. За Лидер очевидци раскажуваат дека сите од околината побегнале, дури и вработените, но само еден од нив останал да се бори со пожарот.
Од страна на полицијата беше блокиран пристапот на булеварите Партизанска и Илинденска.
Херојот на деноткако што пишува ЛИДЕР е еден од вработените на бензинската пумпа на “Макпетрол”, кој додека сите побегнале самиот извлекол апарат и го изгаснал огнот, со што спречил експлозија.
За неговиот херојски чин, за “Лидер” раскажуваат граѓаните кои се затекнале во близина.
Од МВР денеска ги соопштуваат деталите за пожарот на бензинската пумпа.
– Вчера околу 14,00 часот во Скопје на ул.„Климент Охридски“, на бензинска пумпа настанал пожар во патничко моторно возило „Форд фокус“ со скопски регистарски ознаки, управувано од Г.Ѓ (60) од Скопје. Имено, Г.Ѓ. го сопрела возилото на бензинската пумпа со цел да стави гориво, но откако повторно го стартувала возилото почнал да се шири чад од под хаубата, по што побарала помош од вработените на бензинската, кои веднаш почнале да го гасат пожарот со противпожарни апарати, а набргу дошла и екипа од Противпожарна заштита и во 15 часот пожарот е изгаснат, стои билтенот на МВР.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.