Ширењето на корона вирусот во Кина е запрен, изјави портпаролот на здравствените соработници Ми Фенг.

– Бројот на потврдени случаи на инфекција е помал од 3.000. Ширењето на епидемијата во Кина запре целосно, рече Ми Фенг на брифинг.

Според најновите податоци, од почетокот на пандемијата имало 81.439 случаи на инфекција со корона, од кои 75.448 се опоравиле, а 3.300 починале.

Претходно, медиумите објавија дека во кинеската провинција Хубеи (освен Вухан), која е позната како фокусна точка за ширење на инфекцијата „Ковид-19“, внатрешниот патнички сообраќај е обновен после два месеци.

Владејачката Комунистичка партија повика на проширување на буџетскиот дефицит, поголемо издавање обврзници на локално и национално ниво, намалување на каматните стапки, одложување на отплатата на кредитите, намалување на ограничените или недостапните ресурси, како и поттикнување на потрошувачката.

Според проценките на аналитичарите, се очекува министерствата во Кина да ги усвојат предложените мерки и да биде одобрена помош од неколку стотици милијарди долари.