Пет лица го загубија животот во страотна сообраќајна несреќа која се случи вечера вечер пред влезот на скопската населба Драчево.
Според информациите ов МВР во тешка сообраќајка кај Драчево блиску до бензинската станица „Лукоил„ вчера во доцните часови, се судрија возило со марка рено5 кампус и камион за собирање ѓубре.
Сообраќајната несреќа се случила помеѓу товарно возило марка ‘мерцедес’ со скопски регистарски ознаки, кое било управувано од М. Ј. (44) од Скопје и патничко возило ‘рено 5’ со скопски регистарски ознаки, управувано од Ј. Л. (43) од Скопје. Во несреќата возачот Ј. П. и сопатниците возилото ‘рено’, С. Н., А. Т. (54) од Скопје, Е. Т. (37) од Скопје и И. А. (40) од Скопје починале на местото. Додека, возачот на камионот М.Ј. се здобил со повреди и бил пренесен во Градската општа болница ‘Св. Наум Охридски’ каде му била укажана лекарска помош и бил задржан на понатамошно лекување. Увид на местото извршил Јавен обвинител и увидна екипа на СВР Скопје. По наредба на Јавен обвинител телата на починатите биле предадени за обдукција“, соопштија од МВР.
Во сообраќајката настрада поранешен полицаец вработен во ПС Драчево.
Тројца од настраданите починале на самото место, а другите две лица биле однесени на клиника, каде им подлегнале на повредите.
Се уште нема точни информации како точно се случила несреќата, но првичните информации велат дека возачот на автомобилот влегол во спротивната коловозна лента и со голема брзина удрил во камион на Комунална хигиена.
Повеќе детали од МВР најавија за текот на денешниот ден.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.