Вчера вечерта околку 21 часот се удави 5 годишно девојче во базен во угостителски објект, во скопско Злокуќани.

Петгодишното девојче утрово во 8,30 часот почина на скопските клиники, а според информациите до кои дојде порталот Скопје Инфо, попладнево во болница е хоспитализиран и таткото на девојчето кој е во критична здравствена состојба како последица од стресот кој го доживеал по информацијата за смртта.

МВР попладнево информираше дека вчера било пријавено дека во базен на угостителски објект во Скопје паднало петгодишно девојче кое утринава во 8,30 часот починало.

На 26.06.2019 година околу 21.10 часот во СВР Скопје било пријавено дека во базен на угостителски објект во Скопје паднало петгодишно девојче, кое со возило на Итна медицинска помош било пренесено во Ургентниот центар при комплексот клиники „Мајка Тереза”.

Ова не е прв случај на давење на дете во базен. Пред околу 2 недели 14- годишно се удави во базенот Довлеџик во Битола, кој оваа сезона не беше отворен за посетители.

Несреќата се случи на 12 јуни, а битолската полиција го потврди настанот, без да соопштат други детали.  Базенот е во сопственост на ЈП „Стрежево“, но повеќе од две години е издаден под концесија.
Приватниот концесионер не сакаше да зборува пред камера за немилиот настан кој се случи во Битола. Тој рече само дека имаaт проблеми со групи деца кои влегуваат преку оградата и тврди дека не може да контролира површината од 2500 метри квадратни.