Забрана за движење на сите граѓани за време на викенд (сабота и недела) во периодот од 16:00 до 05:00 часот, објави Министерот за здравство, Венко Филипче.

Со цел уште поголема заштита на населението од ширењето на коронаврусот, Владата денеска донесе одлука за дополнителна рестрикција на движењето на населението за време на викенд, објави на социјалните мрежи и министерот Оливер Спасовски.

Се забранува движењето на сите граѓани за време на викенд (сабота и недела) од 16 часот до 05 часот!

Остануваат на сила и сите други претходно донесени забрани.

Во сила остануваат и сите други претходно донесени забрани.

Од 22 март во Македонија е воведен полициски час кој трае од 21 до 5 наутро. Повозрасните од 67 години може да се движат надвор само од 5 до 11 часот, а на младите до 18 години им е дозволено од 12 до 21 часот.

Во изминатите 24 часа се регистрирани 29 нови случаи на коронавирус во земјата, вкупниот број заболени изнесува 177 лица. Министерот Филипче најави дека викендов или кон почетокот на следната недела ќе биде објавена детална статистика што досега се случува со бројот на пациенти и јасно ќе бидат прикажани дијаграмите и бројките.