Најстариот милијардер во светот Чанг Јун Чунг од Сингапур има 100 години, секој ден оди на работа, бидејќи останувањето дома за него не е добра опција, тој вели дека дома му било многу досадно и сака да биде активен во секојдневниот живот.

Тој уште на почетокот на оваа година ја предаде својата функција како извршен претседавач на својот син Теу Сионг Сенг, Чанг изјави дека тој и понатаму ќе продолжи да оди на работа оти тоа му е навика.
– Секој ден ги пишувам во мојот дневник сите мои активности – вели Чанг и додава дека шефовите на сите одделенија доаѓаат да се консултираат.

За него тоа е начин да биде активен и да остане во контакт со компанијата Пил, што ја основал во 1967 година со два половни брода.

Во рамките на својата дневна рутина Чанг го учи својот син како да го контролира својот темперамент во ситуации на голем притисок.

Тој исто така вели дека два пати неделно оди на јога, а секоја сабота е активен со своите пријатели на голф терените. Ги советува младите да бидат повеќе активни и да се движат колку што можат во секојдневниот живот, бидејќи на тој начин се останува витален и здрав.

Неговиот син вели дека од татко му научил дека луѓето нема да слушаат поради авторитетот, моќта или поради тоа што се жестоки, туку поради интегритетот и квалитетот, кои повеќе ги ценат и следат.