Поранешниот премиер и министер, Владо Бучковски, ќе биде специјален претставник на македонската Влада за Бугарија, откако Владата пред два дена го именува Бучковски на оваа позиција!

Бучковски е и поранешен министер за одбрана и некогашен лидер на СДСМ, кој во последно време е активен со своите ставови за недоразбирањетата помеѓу Македонија и Бугарија.

Именувањето е со мандат од една година, а целта да се назначи специјален претставник е да се заокружи со успех процесот на решавање на отворените прашања со Бугарија и да се создаде атмосфера за реализација на прашањата од интерес на двете земји опфатени со Договорот за пријателство и добрососедство“, соопшти Владата.

На социјалните мрежи реагираше и професорката Мирјана Најчевска кој именувањето на Бучкоски за специјален претставник со преговорите со Бугарија го смета за тотален апсурд!

Само не можам да се решам дали ги бираат според криминални способности или според глупост. Можеби и двете.
Ахахахах.
А можеби според отсуството на ‘рбет.

Очекувам следниот месец да го именуваат Груевски за почесен министер за финансии.
Зошто да не?

Ако може Бучковски како осуден криминалец кој се извлече од затворската казна со помош на корумпираните судии кои доведоа до застарба на случајот да биде специјален претставник на Владата во еден од најсензибилните преговори, зошто да не може Груевски кој сега за сега е осуден за многу помалку да не биде почесен министер за финансии?