Скандалот со пратеникот Павле Богоевски за набавка на канабис, се уште не стивнува во јавноста. На социјалните мрежи Богоевски размрда со коментари политичари, глумци, доктори и многу лица од политичката елита.
Богоевски синоќа во касните часови отиде во полициска станица, откако на сајт беше пуштена аудио снимка од Богоевски како тој разговара на телефон и како нарачува, како што изјави тој, масло од канабис за близок болен член од семејството.
Една од нив е и професорката Мирјана Најчевска која на Фејсбук излезе со коментар за скандалот со пратеникот Павле Богоевски. Таа мисли дека сите пратеници и високи функционери во власта треба барем два пати годишно да бидат проверени за употреба на психотропни супстанци.
Нејзината објава ја пренесуваме во целост.
„Jас мислам дека сите пратеници и високи функционери во власта треба барем два пати годишно да бидат проверени за употреба на психотропни супстанци.
Функциите носат привилегии, мора да носат и ограничувања.
Јас лично сум за легализирање на марихуаната и еден сосема поинаков пристап кон консумирањето на психотропни супстанци, меѓутоа, во Собранието сакам луѓе со чисти глави.
Јас исто така мислам дека треба да има и тестови за општа интелегенција.
Навистина ми е преку глава од “народни претставници“ со пола грам мозок кој не можат да соберат 2+2, а камоли да разберат што пишува во законските предлози за кои дигаат рака„
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.