На осомничената специјална обвинителка Катица Јанева ѝ се слошило откако беше изнесена пред судија на претходна постапка во Основниот суд Скопје 1. Повикана беше Брза помош. Лекарската екипа излезе по околу половина час.

Полицијата по налог ЈО ја приведе специјалната јавна обвинителка Катица Јанева.

Припадници на полицијата претходно извршија претрес во домот на Јанева во Скопје.
Наредната локација на која полицијата врши претрес е канцеларијата на Јанева во СЈО, по што ќе следи понатамошна судска постапка.

Апсењето следуваше откако Катица Јанева беше сослушана за случајот „Рекет“ вчера во присуство на адвокат.
Засега нема информации дали истрагата е проширена и на други лица.

Обвинителката за организиран криминал и корупција Вилма Рускоска бара притвор. Катица Јанева е осомничена дека ја злоупотребила службената положба и овластувањата и засега е откриено дека за незаконските дејства околу помагањето на осомничениот Орце Камчев во истрагата за “Империја”, наплатила од него скап мебел во вредност од околу 5.000 евра.