Основниот кривичен суд – Скопје денеска го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за предметот „Труст” на СЈО.

Бизнисменот Сеад Кочан требаше да оди на издржување на затворската казна на 17 јули, откако Кривичниот совет ја потврди одлуката на судијата од Кривичниот суд да се одбие неговото барање за одложување.

После правосилноста на решението Сеад Кочан е должен веднаш да се јави на издржување на затворската казна.

–Судија за извршување санкции при Основниот кривичен суд – Скопје, надлежен да постапува по предметот од обвинителството означен како „Труст”, по добивање на целокупната медицинска документација неопходна за одлучување по барањето за одлагање на извршувањето на затворската казна на еден од обвинетите во конкретниот предмет, како и разгледување и ценење на истата, на 19.07.2019 година донесе решение со кое барањето се одбива како неосновано, соопшти Основниот кривичен суд – Скопје.

Сеад Кочан е осуден поради малверзации за добивање тендер од ЕЛЕМ од 17 милиони евра каде покажувал лажна документација.