Како што се наближуваат изборите, како стануваат повидливи корупцијата и непотизмот, така власта има поголема потреба од апсења, притвори и судски драми. Овој пат на нишан е земен Трајко Вељаноски, долгогодишен претседател на Собранието, за наводно организирање на тероризам при упадот на 27-ми Април. Но, она што е уште почудно, е кукавичкиот молк на Крсто Мукоски, Љубен Арнаудов и Сашо Василевски, кои гласаа за смена на Уставот, си добија наградна амнестија од Заев и сега испаѓа дека баш им е гајле кој следен ќе биде уапсен, а кој ќе биде осуден.

Инаку, извори од пратеничката група на ВМРО-ДПМНЕ, брифираат дека Крсто Мукоски уживал повластен третман како пратеник, токму во времето кога Вељаноски беше претседател на Собранието. Секогаш добивал одобрување за секое барање, дали е патување во странство на конференција или желба за членување во некоја собраниска комисија или делегација. Тоа се гледаше и од честа што Трајко му ја правеше со честите посети на Вевчани како општина, па така по покана на пратеникот Мукоски и градоначалникот Угриноски, Вељаноски во Мај 2013 година беше специјален гостин на отварањето на “Порта Вевчани“, како објект со симболично и туристичко значење. 

И не е само Крсто. Со Трајко Вељаноски многу коректни и пријателски односи имаа и пратеникот Зеќир Рамчиловиќ, и пратеничката Владанка Авировиќ, и поранешната министерка за култура, а сега пратеничка Елизабета Канческа Милевска, сега сите дел од независната пратеничка група која гласаше за смена на Уставот и за Северна Македонија. Но, сега сите пратеници од независната пратеничка група молчат. А толку беа гласни за помирување, и Емилија Александрова, и Нола Исмајлоска Старова, и Зеќир Рамчиловиќ, пред само месец-два, секој втор ден даваа изјави дека тие работат и веруваат во проектот на Заев за помирување и евро-атлански интеграции. Во меѓувреме, некој од нив си ја вработи сопругата и ги одмрзна сметките на фирмите од газдата, некој си доби стан и вработување на ќерката, некој си го ослободи синот од судска пресуда, Крсто си доби тендери од 900.000 евра за фирмата на брат му, Љубен Арнаудов и Сашо Василевски си добија амнестија, плус шофери и телохранители од МВР. Изгледа толку пари чинеше помирувањето. Тие си се договорија со Заев, сега ќе си гласаат за сите закони предложени од владата, а дали нивниот довчерашен добар пријател Трајко Вељаноски ќе биде уапсен и дали нивниот довчерашен соборец Игор Дурловски ќе биде осуден, изгледа дека и не им баш толку гајле. Процесот на помирување се повеќе личи на процес на поткупување!