Екипата на магазин.мк беше сведок на голема сообраќајна несреќа која се случи во близина на село Куратица, а во која само поради среќни околности е избегната можноста за човечки жртви.

Имено несреќата се случила на магистралниот пат Ресен – Охрид, кога две возила, од кои едното со регистарски таблички од Струга фронтално се судрило со друго возило.

Кој е виновен е прашање кое ќе го утврди полицијата, исто како и тоа како возилата се нашле во оваа неприродна положба.

Како можевме да забележиме сепак се работи за дозволено престигнување т.е. несреќата е точно на моментот каде прекинатата линија станува полна.

Чиста среќа според она што може да се види од приложените фотографии е што нема човечки жртви.

Магазин.мк повеќе посветни внимание на начинот како се реагира од страна на оштетените т.е. учесниците во сообраќајната несреќа, што лесно може да предизвика нова.

Шоферите вртеа мобилни телефони, некој бараше полиција, некој стручно мислење од мајстор или ги информираа домашните, но никој не ги постави на патот пропишаните ознаки.

Никаде го немаше познатиот црвен триаголник, кој треба да е на стриктно пропишана далечина, со што останатите учесници во сообраќајот ќе бидат информирани да ја прилагодат брзината со околностите на патот.

Како, и дали и таа можна опасност ќе биде земена во предвид по полициската анализа, останува да видиме во утрешнот билтен на МВР.