На “Меѓународниот Ден на Жената” започнува фестивалот посветен на андерграунд културата и музиката, а ќе се одвива два дена -Петок (8ми) и Сабота (9ти Март), во организација на “Positive Vibration Crew” и бар “Емпори“.

Првата вечер (Петок, 8ми Март) од фестивалот ќе биде посветена на техно музиката,  во која како хедлајнер ќе настапи Maggie (BTKRSH/Code XX [Mk]), една од водечките и воопшто најталентирани техно диџејки кај нас, која има специфичен и префинет стил, а резидент диџеи на вечерта кои воедно и ќе ја започнат оваа вечер ќе бидат локалните Layka и Nikollov после кои следува Maggie, а Dj Doctor ќе ја затвори вечерта. За оваа вечер од дводневниот фестивал не е предвидено да се наплаќаат влезници.

Втората вечер (Сабота, 9ти Март), е резервирана за психоделичната музика, поточно за псај-транс музиката, а како хедлајнер на оваа вечер ќе настапи нашата “trance queen” или “транс кралица” како што македонската публика сака да ја нарекува, а тоа е Dea Purpurea (Glowing Flame Rec.) ,која е предвидено да започне со својот 2-часовен сет во 03:00 часот по полноќ. 

Оваа втора и последна ноќ од фестивалот ќе започне во 20:00 часот со warm-up диџеј сетови на домаќините на овој фестивал: Frakty и BugzyOm и ќе трае до раните утрински часови, а ќе се претстават диџеи од домашната транс сцена.

По warm-up сетовите на домаќините, настанот ќе се одвива по следниов редослед:
– 21:30ч – 23:00ч — Kumadelic
– 23:00ч – 01:00ч — Psoma 
– 01:00ч – 03:00ч — Meto Seeds 
– 03:00ч – 05:00ч — Dea Purpurea (Glowing Flame Rec.)
– 05:00ч – крај     — GoaMoa

Повеќе инфо/линк до фејсбук евентот: Strumica Psychedelic Carnival ’19