Денеска е интернационален ден на жените и токму овој ден се обележува како историски најзначаен датум во борбата за женските права. Истакнати мислителки од целиот свет наоѓаат уникатен и автентичен начин како да го честитаат празникот на жената и токму на овој ден да поентираат со својата феминистичка мисла. 

При истражување на фејсбук профилите и другите медиуми преку кои јавно се огласуваат македонските феминистки и мислителки, не видовме ниту една објава која би ја посветиле на денешниот ден. Од отсуството на реакцијата најмногу не шокираше она на Каролина Ристова – Астеруд бидејќи таа е лидерка во борбата за женските права и постојано го потенцира својот феминистички порив. 

Наидовме на објава од пред неколку дена, која професорката Астеруд ја преземала и објавила на својот личен фејсбук профил, а е преземена од официјалниот профил на книжарницата „АВОГАДОС“. На објавата стои фотографија од корицата на книгата „Феминистички теории за политиката“ чиј автор е токму Атеруд, а додадена е и цена од 200 денари на самата објава. По повод празникот на жените, Атеруд ги израдувала жените со тоа што книжарницата каде што се продава нејзината книга понудиле дури вртоглав 50% попуст. Објавата ја назначила со: „За заинтересираните“ и ставила неколку срциња до тој текст. 

Малку е невообичаено една феминистка да го честита празникот на жените со тоа што ќе пренесе информација дека книгата чија авторка е, е на попусот од 50% и на неа е назначена цена од 200 денари. 

За разлика од нашите феминистки, светските мислителки го чекаат интернационалниот ден на жената за да ја сумираат својата борба за унапредување на женските права, да ги најават следните борби, да испратат мотивациска порака, да дадат смисла на својата работа и да ја апострофираат смислата на празникот. 

Но, многу од луѓето, вклучително и македонските феминистки, во Осми март гледаат можност за „бомбона бизнис“ и заработувачка. Други, пак, го чекаат празникот за да соберат подароци, денот кога ќе бидат во право, ќе бидат под посебен третман и внимание од мажите и од другите жени. Мажите Осми март го чекаат за да добијат нешто од жените, кој насмевка, кој ручек, кој пијачка, кој благодарам, кој нешто друго. Секој има свој начин на кој го доживува овој историски значаен датум и преку својот начин на доживување ја одредува сопствената позиција во космосот.