Последната желба на 67-годишната Неда Арнериќ, која почина во петокот, била да биде погребана тајно, само во присуство на најблиските членови на семејството и пријателите.

Покојната актерка која беше пронајдена мртва во петокот во својот стан, оставила во аманет да биде кремирана и положена на Новите гробишта, покрај својата најголема љубов, сопругот Милорад Мештеровиќ, кој починал кон крајот на 2018 година, дознава Информер.

Тоа го потврдила и пријателката на актерката и колешката од каласата Јелена Тинска.

-Познавајќи ја Неда, верувам дека нејзината желба била да биде погребана без публицитет и да биде заедно со својот Миле – рекла Тинска.

-Боледуваше од депресија. Упадна во безнадежност, затоа што прерано влезе во светот на филмот и го прескокна детството, младоста. Влезе во сериозните години немајќи право за спомени, кои ние ги имаме кога живееме некој друг живот. Меч со две острици е кога сте окупирани со кариерата. И годините поминуваат, спласнува фасцинацијата со кариерата, се случува да немате доволно улоги и да упаднете во депресија – наведува Тинска.

Арнериќ лани се обиде да се самоубие. И тогаш нејзинот брат ја нашол онесвестена во станот.

Неда Арнериќ (Књажевац, 15 јули 1953 – 10 јануари 2020) — српска филмска, театарска и телевизиска глумица.

Неда Арнериќ дебитира на филм на 13 годишна возраст. Во текот на филмската кариера реализира голем број улоги како во југословенски, така и во копродукциски филмови.

Добитник е на Сребрена арена на Филмскиот фестивал во Пула во 1977 година за улогата во филмот „Исправи се, Делфина“. За истиот филм на режисерот Александар Ѓурчинов е наградена и со Наградата „Царица Теодора“ во Ниш.